蒜茸白菜仔

白菜仔需浸水洗乾淨，才可完全去沙。這動作需做幾次呢

一、把蒜頭剁碎備用

二、燒鑊下蒜茸炒香，加入白菜仔及鹽略炒，焗2分鐘再略炒即成

開年飯

很久沒煮開年飯，今年有幸煮一餐，與眾同樂，嘻嘻！

清蒸海上鮮

油鹽水花甲

鹽水雞

鮑魚伴豆苗

豉汁帶子蒸豆腐

黑椒牛仔骨

蓮藕炆排骨

南乳齋

香煎蘿蔔糕

瑤柱瘦肉粥

簡單一個瑤柱瘦肉粥，清清淡淡夠健康

一、先將米加水煲滾

二、加入瑤柱及瘦肉

三、水滾後細火煲約一小時

四、煲好加鹽熄火焗15分鐘即可

記住要不定時攪伴，不然會黏底的〜

大宴親朋之勁食打邊邊

每逢過時過節，總會約大班朋友敍舊，打邊邊是不二之選

什錦烏冬+沙田柚

每當打完邊邊，總要食多餐，不過將食物改為烏冬，又有少少新鮮感〜

飯後加添生果，有益又健康〜

紅蝦刺生

今次搭朋友買左呢個紅蝦刺生，都好甜好鮮味，自家屋企食刺生，感覺特別好

芥蘭炒牛肉

一、牛肉用豉油、生粉、喼汁、油醃半小時

二、燒鑊下牛肉略炒，然後起鑊

三、燒鑊加入薑片炒香

四、加入芥蘭、鹽、米酒略炒

五、加入少許水，下蓋焗1分鐘

六、加入牛肉炒勻

七、加入茨汁炒勻即可

茨汁：生粉、豉油\蠔油、水

鮑魚花菇伴生菜

一、大花菇需隔日浸水至軟，去頂備用

二、罐頭大鮑魚，隔水備用

三、煲滾水，加入鮑魚汁、蠔油以調味

四、加入鮑魚及花菇細火炆半至一小時

五、鮑魚切片備用

六、煲滾水，加油、鹽調味

七、加入生菜後，滾水便可上碟

八、生菜上鋪上鮑魚花菇便可

咸魚煎肉餅仔

一、豬肉洗淨後切片再刴碎

二、咸魚起肉，放入豬肉內一同攪勻

三、用鹽、糖、生粉、豉油、油醃半小時

四、將豬肉猜成心中想要的大小，當然係越薄越香口

五、將肉餅搽上薄薄的生粉

六、燒鑊以中慢火煎至金黃色便可

鹽水浸雞

呢個鹽水浸雞又簡單，好滑又好味

一、首先洗淨雞及雞什

二、用鹽搽勻全隻雞

三、燒滾水後加入適量鹽，把雞及雞什放入滾水中，然後加蓋大火滾10分鐘（水必須浸至全雞）

四、熄火後不要開蓋，焗半小時

五、把雞取出放涼後，斬件

六、燒鑊下雞油，加入葱絲略炒，最後淋上雞便可

蝦滑蒸豆腐+脆肉瓜炒雞柳

蝦滑

一、先將蝦洗淨挑出蝦腸，然後抹乾

二、將蝦用刀拍扁，再用刀背略刴

三、刴好後放入大碗，加入鹽、胡椒粉、生粉、蛋白，順方向攪均

四、用手把蝦滑打至起膠

五、放左雪櫃雪一至兩小時便可

蝦滑蒸豆腐

一、先洗淨豆腐切件（布包豆腐或盒裝蒸煮豆腐亦可）

二、將蝦滑放於豆腐上

三、起鑊煲水，蒸10分鐘左右即成

脆肉瓜炒雞柳

一、雞柳切絲，用鹽、糖、生粉、豉油、少少米酒、油醃半小時

二、脆肉瓜切粒備用

三、燒鑊炒雞柳至熟，起鑊備用

四、燒鑊炒脆肉瓜，加入胡椒鹽略炒

五、加入雞柳炒勻即可

菜芯炒雞柳+蝦干冬茹蒸豬肉

菜芯炒雞柳︰
一、雞柳切絲，用鹽、糖、生粉、豉油、少少米酒、油醃半小時
二、燒鑊炒雞柳至熟，起鑊備用
三、燒鑊下薑絲及蒜頭爆香，加入菜芯及鹽略炒 (可加入少少水炒熟菜芯)
四、加入雞柳略炒，最後加下茨汁略炒便可
茨汁︰生粉、豉油/蠔油、水

一、雞柳切絲，用鹽、糖、生粉、豉油、少少米酒、油醃半小時

蝦干冬茹蒸豬肉︰
一、把冬菇、蝦干用水浸軟
二、豬肉用鹽、糖、生粉、豉油、油醃半小時
三、把豬肉加入冬菇蝦干，慢火蒸10分鐘即成

P.S : 此圄的冬菇因浸不夠時間才會出現淺白色的情況

豉汁排骨炒蜜糖豆、蒸鯇魚、蒜茸白菜仔

豉汁排骨炒蜜糖豆︰
一、把蒜頭、豆豉、指天椒剁碎備用
二、排骨用鹽、糖、生粉、豉油、油及少許<一>醃約半小時
三、燒鑊下排骨炒熟，起鑊備用
四、燒鑊下<一>炒香，放入蜜煻豆及少許鹽略炒，再加少少水焗2分鐘
五、最後加入排骨略炒即成

蒸鯇魚︰
一、洗淨鯇魚，放入薑絲、油及豉油，用慢火蒸10分鐘便可

蒜茸白菜仔︰
一、把蒜頭剁碎備用
二、燒鑊下蒜茸炒香，加入白菜仔及鹽略炒，焗2分鐘再略炒即成

腐乳雞翼、上湯浸娃娃菜

腐乳雞翼︰
一、先把雞翼汆水備用
二、燒鑊後下少許蒜頭，再加入雞翼略炒
三、加入腐乳略炒，再加入水炆至乾水(大概十分鐘)


上湯浸娃娃菜︰
一、先燒滾水，加入豬肉、冬菇、蝦干煲大概15-30分鐘(細煲便可)
二、加入娃娃菜後滾水便可
(煮菜時間因人而異，如吃爽口便2-3分鐘，如吃冧少少可煮5-7分鐘)

海鮮邊邊

無論係咩季節，都至愛打邊邊。係屋企食點都舒服過出街食~
今次食豪啲，一次過享受魚、蝦、蟹，仲有手切肥牛添。嘻嘻﹗﹗

芝士豬柳蛋三文治

我至愛的三文治早餐，自己整好味又健康~~

豬扒茄汁意粉

茄汁意粉︰
一、先將蕃茄用滾水煮3-5分鐘，然後過冷河。便可輕易把蕃茄去皮。再去核及切粒備用
二、椰菜切絲備用
三、起鑊加少許油，放入蕃茄略炒，再加入茄汁、糖、鹽、少許胡椒及少許水略炒便成汁。
最後放入椰菜絲及意粉略炒便成。

豬扒︰
一、先把豬扒用刀背打鬆，然後放入醃料醃約半至一小時
(醃料︰鹽、糖、生粉、豉油、油、少許喼汁)
二、然後細火慢煎便可。
豬扒要視乎厚度﹐如比較薄可以中火煎，如比較厚需細火煎至熟時才轉中火略煎

和牛拼大蝦及白汁火腿意粉

揀選新鮮食材係好緊要，今次係第一次煮西餐，就牛扒拼大蝦，加多個白汁火腿意粉。都算幾成功。

大蝦洗淨剪哂啲蝦腳便可煎，用慢火煎至金黃色即成。

牛扒：
因為用和牛，所以無特別加任何調味料，只加少許海鹽便用。用中慢火煎至自己想要的幾多成熟便可。

伴碟：

新鮮粟米：將一支粟米由頭至尾破開兩邊，便很容易起出一粒粒的粟米，然後用滾水煮5分鐘，隔水取出便可。

露荀：洗淨切開幾段，然後用滾水煮3分鐘，隔水取出便可。

白汁火腿意粉

一、意粉先用滾水煮10分鐘，然後過冷河備用

二、切碎火腿扒備用

三、白汁：首先用牛油起鑊，然後加入麵粉煮至一團團，再加入牛奶或花奶煮至汁，再加入火腿粒，最後加少許胡椒鹽調味便可。（因為本人喜愛芝士，所以加了少許）

最後當然係將白汁加入意粉略炒即成。